ယမၤစၢၤတၢ် ကသ့ဖဲလဲၣ်
ဖဲအပူၤကွံာ်တနံၣ်‚ ဖဲတၢ်ဂိၢ်ခါ အကတီၢ်န့ၣ်‚ မူခိၣ်ဖီကလံၤမုၢ်တွၤ မၤဘၣ်ဒိ ပ၀့ၢ် ဒိၣ်ဒိၣ်အါအါလီၤႉ မူခိၣ်ဖီလီၤဒိၣ်မးအဃိ‚ သ့ၣ်ဒ့လၢအကယၤတဖၣ် ကၢ်ကွံာ်‚ ဒီး
မၤဘၣ်ဒိဘၣ်ထံး လီပျံၤတဖၣ်လီၤႉ ဟံၣ်လၢအကထိတဖၣ်‚ ဒီးတၢ်မၤလီၢ်တဖၣ် တဒိးန့ၢ် လီမ့ၣ်အူဘၣ်ႉ ပ၀ဲဒူၣ်ဖိထၢဖိတဖၣ်‚ ပမၤန့ၢ် ဂံၢ်သဟီၣ်‚ ခီဖျိ စဲးဖီကဟၣ်ဖိ
လၢအဒုးကဲထီၣ်လီမ့ၣ်အူ‚ ဘၣ်ဆၣ် ပဖီအီၣ်တၢ် တသ့ဘၣ်ႉ
ပဘၣ်လဲၤဃု တၢ်လီၢ်တၢ်ကျဲလၢ ပကပရၤအီၣ်ပရၤအီ အဂီၢ်
လီၤႉ ပနီၣ်ထီၣ် ပသိလ့ၣ်‚ ဒီးပထံၣ်ဘၣ် တၢ်ဖံးတၢ်မၤအလီၢ်
လၢအဘၣ် တၢ်ကးတံၢ်အီၤတဖၣ်လီၤႉ ပနီၣ်ပသိလ့ၣ် အါမံးလာ်‚ ဒီးလၢခံကတၢၢ် ပထံၣ်န့ၢ် ဂီၤတၢ်အီၣ်အကျး လၢ အအိၣ်ဒီး လီမ့ၣ်အူဂံၢ်သဟီၣ်လၢ ကဖီတၢ်အီၣ်တၢ်အီ အဂီၢ်န့ၣ်လီၤႉ တၢ်လီၢ်အံၤ ပှဲၤကတံာ်ဒီး ပှၤဟဲအီၣ်ဟဲအီ တၢ်လၢအဘၣ်ကီဘၣ်ခဲ ဒ်သိးပ၀ဲဒၣ်သ့ၣ်တဖၣ်န့ၣ်လီၤႉ
ပိာ်မုၣ်တဂၤ ဟဲသံကွၢ်ပှၤ တၢ်အီၣ်တၢ်အီလၢ
ပအဲၣ်ဒိးမၤလိာ်တဖၣ်ဒီး စံး၀ဲ‚ ‘‘ယတမ့ၢ်ပှၤမၤတၢ်ဖိ လၢ
ကျးအ၀ဲအံၤဘၣ်ႉ…
မၤဃံမၤလၤက့ၤ တၢ်ကမၣ်
ပှၤဒ့တၢ်လၢ ‘‘ကၠးစ်’’ အတၢ်ဒ့တၢ်အူ‚ ဟၢဘ့ၣ်ဟဲန်ခီး ဘၣ်တၢ်ကွဲအီၤလၢ ကဒ့တၢ်ဒီး မဲလ်ဒ့ဘ့း လၢ ‘‘ဃံာ်ယဲၢ်’’ အတၢ်ဒ့သကိး တၢ်န့ၣ်လီၤႉ မဲလ်ဒ့ဘ့း မ့ၢ် တ့ၢ်လံ ပှၤမံၤဟူသၣ်ဖျါလၢ တၢ်ဒ့တၢ်အူ‚ အဃိဒီး ဟဲန်ခီး အိၣ်ဒီး တၢ်သူၣ်ကနိး
သးကနိးန့ၣ်လီၤႉ ဟဲန်ခီး တဲဘၣ် ပှၤဟဲထံၣ်လိာ် သံကွၢ်သံဒိးအီၤတဖၣ်လၢ မဲလ်ဒ့ဘ့း
မ့ၢ်ပှၤလၢ အကဟုကယာ်ဒီဒၣ်ပှၤဂၤ‚ ဒီးအ၀ဲအိၣ်ဒီး တၢ်လဲၤခီဖျိအမုာ်‚ ဖဲအမၤသကိးတၢ်ဒီးအီၤန့ၣ်လီၤႉ တဘျီ‚
ဖဲအ၀ဲသ့ၣ်ဒ့တၢ်အူတၢ်လၢ ပှၤဂီၢ်မုၢ်အဂီၢ်အခါ‚ ဒီး ဖဲ မဲလ်ဒ့ဘ့း ဒ့တၢ်ဆဲတိၢ်အခါ‚ ဟဲန်ခီး မၤကမၣ် တၢ်လီၤႉ ဟဲန်ခီး အသူၣ်ကိၢ်သးဂီၤ‚ ဒီးမဲာ်ဆှးဒိၣ်မး‚ ဘၣ်ဆၣ် မဲလ်ဒ့ဘ့း တပာ်သ့ၣ်ညါအသး‚ ဒီးမၤလိၤမၤဘၣ်က့ၤ တၢ်န့ၣ်လီၤႉ ဟဲန်ခီး စံး၀ဲဒ်အံၤ ‘‘အ၀ဲဒ့ !နိး’’ အသီၣ်လၢ အမၤလိၤမၤဘၣ်က့ၤ ယတၢ်ကမၣ်န့ၣ်လီၤႉ
တၢ်အံၤ မ့ၢ်ဒိဂ့ၤတဲာ်ဘၣ်လၢ တၢ်ကဲခိၣ်ကဲနၢ် အဂီၢ်န့ၣ်လီၤႉ…
လိၣ်ဘၣ် တၢ်ဖှိၣ်ထီၣ်ဆီထီၣ်
ပအိၣ်ဒီး တၢ်သူၣ်ခုသးခု‚ ဖဲပဖိမုၣ်ဒီး အတၢ်အဲၣ်တီစးထီၣ်ဒိးန့ၢ် တၢ်တ့
တၢ်ဖျီ အတၢ်ဟ့ၣ်န့ၣ်လီၤႉ တၢ်လၢအဒိးန့ၢ်၀ဲအကျါတခါန့ၣ်‚ မ့ၢ်ဟံၣ်အပိးအလီ အိၣ်ဒီးပဲBတီဒီး တၢ်တီခိၣ်လၢ ပှၤကပာ်တၢ်အဂီၢ်န့ၣ်လီၤႉ ဘၣ်ဆၣ် အလီၢ်အိၣ်၀ဲလၢ တၢ်အပိးအလီအံၤ ကဘၣ်တၢ်ဖှိၣ်ထီၣ်ဆီထီၣ်အီၤ န့ၣ်လီၤႉ မ့ၢ်လၢ အ၀ဲသ့ၣ်ဘၣ်ကတဲာ် ကတီၤတၢ်ဒီး အတၢ်မၤအါလၢ တၢ်တ့တၢ်ဖျီအဂီၢ်အဃိ‚ လၢတၢ်သးအိၣ်‚ ယဟံးန့ၢ်မူဒါလၢ တၢ်ဖှိၣ်ထီၣ်ဆီထီၣ် ဟံၣ်အပိးအလီအံၤလီၤႉ တၢ်မၤအံၤညီန့ၢ်ဒံး ယဆိကမိၣ် ပာ်စၢၤ‚ ဒီးယံာ်ဒၣ် ခံနၣ်ရၠာစးံၣ်န့ၣ်လီၤႉ သ့ၣ်အခီအကူာ်တဖၣ် ဘၣ်တၢ် မၤထီၣ်တဲာ်ဆိပာ်စၢၤ‚ ဒီးဘၣ်တၢ် ပျံာ်ထူၣ်ဖျိ
ပာ်စၢၤအီၤလီၤႉ ထးအပိးအလီလၢ တၢ်ဖှိၣ်ထီၣ်ဆီထီၣ်
တၢ်အဂီၢ် ပၣ်ဃုာ်စ့ၢ်ကီးလီၤႉ တၢ်နဲၣ်ကျဲလၢ တၢ်မၤအံၤ အဂီၢ်န့ၣ် ဂ့ၤလီၤတံၢ်ဒီး ကမၣ်တသ့ဘၣ်ႉ
ဘၣ်ဆၣ်‚ လၢပတၢ်အိၣ်မူအပူၤ‚ အါစုအါဘျီ တၢ်တမၤအသး ဒ်ပဆၢ မုၢ်လၢ်အသိးဘၣ်ႉ လၢပတၢ်အိၣ်မူအပူၤ‚ ပတအိၣ်ဒီး တၢ်နဲၣ်ကျဲယိယိဖိ‚ လၢပမၤ အီၤညီ‚ ဒီးတၢ်လၢပလိၣ်ဘၣ်အီၤသ့ၣ်တဖၣ် တအိၣ်ကတဲာ်ကတီၤပာ်စၢၤအသးလၢ ပဂီၢ်စ့ၢ်ကီးဘၣ်ႉ…
တလးမူးပိာ်မုၣ်ဃံလၤ
ယကဲခိၣ်ကဲနၢ်‚ ဒီးဟံးန့ၢ်မူဒါလၢ တၢ်တ့တၢ်ဖျီအမူးအါမးလီၤႉ အါစုအါဘျီ
တၢ်တ့တၢ်ဖျီအမူးတဖၣ်အံၤ ဘၣ်တၢ်တိာ်ကျဲၤအီၤ ဒ်တလးမူးပိာ်မုၣ် အဲၣ်ဒိး၀ဲအသိး
န့ၣ်လီၤႉ တၢ်တ့တၢ်ဖျီအမူးခဲလၢာ် မ့ၢ်တၢ်လၢအလီၤဆီလိာ်အသး အိၣ်တမံၤလၢ်လၢ် လီၤႉ လၢအဒ်သိးသိးလီၤအသးန့ၣ် တလးမူးပိာ်မုၣ် ကူသိး တၢ်တ့တၢ်ဖျီအဆ့ဖးထီ‚ အခိၣ်သူ ဘၣ်တၢ်ကယၢကယဲအီၤ ဃံဃံလၤလၤ‚ ဒီး အမဲာ်သၣ် အလွဲၢ်ကပီၤဃံလၤဒိၣ်မးလီၤႉ တလးမူးပိာ်မုၣ် ထုးန့ၢ်ပှၤသး‚ ဒီးဒိးန့ၢ်တၢ်စံးပ့တၢၤအါန့ၢ်ပှၤကိးဂၤန့ၣ်လီၤႉ
တၢ်လၢအထုးန့ၢ်ယသး လီၤတိၢ်လီၤဆီ တမံၤန့ၣ်‚
မ့ၢ်ကစၢ်ယွၤအတၢ်ကတိၤလၢ ပမ့ၢ်အတလးမူးပိာ်မုၣ် န့ၣ် လီၤႉ ဘၣ်ဃးဒီး တၢ်အိၣ်ဖှိၣ်အဂ့ၢ်န့ၣ် စံး၀ဲ‚ ‘‘သိဖိအတၢ်တ့
တၢ်ဖျီ အဆၢကတီၢ်တုၤအိၣ်၀ဲလံ‚ ဒီးအ၀ဲဒၣ် အတလး မူးပိာ်မုၣ် အိၣ်ကတဲာ်ကတီၤလံအသးလၢ တၢ်န့ၣ်အဂီၢ်လံ’’ (ခ့ခါ‚ လီၣ်ဖျါ ၁၉း၇) ႉ
တၢ်အံၤမ့ၢ် တၢ်မုာ်သူၣ်မုာ်သး ဒိၣ်ဒိၣ်အါအါလၢ ပှၤလၢအအိၣ်ဒီး တၢ်သးဟးဂီၤ
လၢ တၢ်မၤအသးဒီးတၢ်အိၣ်ဖှိၣ်ပူၤတဖၣ် အဂီၢ်န့ၣ်လီၤႉ ယဒိၣ်ထီၣ် ဒ်တၢ်အိၣ်ဖှိၣ်သရၠာစးၣ်
အဖိခွါတဂၤအသိး ယအံးထွဲကွၢ်ထွဲ…
ယဘၣ်တၢ်ပရၤက့ၤလံ
မုၢ်တနံၤ‚ ဖဲ အဲန် လဲၤအိၣ်သကိးအ၀ၤ ဖဲတၢ်ဆါဟံၣ်အခါ‚ ကတိၤသကိး
တၢ်ဒီး ပှၤလၢအအံးထွဲကွၢ်ထွဲဒီး မၤစၢၤအ၀ၤန့ၣ်လီၤႉ အဲန် န့ၣ် သးအိၣ်ကတိၤတၢ်ဒီး
ပှၤဂုၤပှၤဂၤ ဖဲအအိၣ်တပူၤလၢ်လၢ်‚ ဒီးဃုထံၣ်န့ၢ်ကျဲလၢ ကစံးကတိၤသကိး ကစၢ် ယ့ၣ်။းအဂ့ၢ်န့ၣ်လီၤႉ အဲန် ကတိၤသကိးတၢ်ဒီး ပှၤကွၢ်ထွဲ ကဟုကယာ် ပှၤဆူးပှၤဆါ တဂၤလၢ အဘၣ်အံးထွဲကွၢ်ထွဲ အ၀ၤန့ၣ်လီၤႉ အဲန် သံကွၢ်အီၤ‚
မ့ၢ်အသ့ၣ်ညါလီၤအသးလၢ အအဲၣ်ဒိးမၤ၀ဲလၢ ခါဆူညါ အဂ့ၢ်လီၤႉ ပှၤတဂၤအံၤ စံးဆၢအီၤလၢ အတသ့ၣ်ညါလီၤတံၢ်
ဒံးဘၣ် န့ၣ်လီၤႉ အဲန် ဟ့ၣ်ကူၣ်အီၤလၢ တၢ်အကါဒိၣ် တမံၤန့ၣ်‚ မ့ၢ်တၢ်သ့ၣ်ညါယွၤ‚ ဒီးမ့ၢ်စ့ၢ်ကီး တၢ်အဆိကတၢၢ်
တမံၤလၢ ကဘၣ်မၤ၀ဲ‚ ဒ်သိး ယွၤကမၤစၢၤအီၤလၢ အတၢ်
စံၣ်ညီၣ်တဲာ်တၢ်‚ ဒီးအတၢ်ဃုထၢ ကသ့၀ဲန့ၣ်လီၤႉ ပှၤကွၢ် ပှၤဆါတဂၤအံၤ တလံးထီၣ် အအီကၠံ့ှှၢး အစုန့ၣ်‚ တၢ်ကတိၤ
‘‘ယဘၣ်တၢ်ပရၤက့ၤ’’ အိၣ်ဖျါထီၣ်၀ဲလၢ…
နအိၣ်ဖဲလဲၣ်
ပိာ်ခွါသးစၢ်လိၣ်ဘိဖိခံဂၤ ပျံၤတၢ်ဖုးတၢ်ဒိၣ်မး ဖဲအ၀ဲသ့ၣ်နၢ်ဟူအမိၢ်အပၢ် အသိလ့ၣ်
အသီၣ်န့ၣ်လီၤႉ အဟံၣ်အိၣ်ပှဲၤဒီး တၢ်ဘၣ်အၢဘၣ်သီ‚ ဟံၣ်ဃီပိးလီတဖၣ် တအိၣ်လၢ
အလီၢ်အကျဲ‚ ဒီးအ၀ဲသ့ၣ် ကဘၣ်တဲနၢ်ပၢၢ် အမိၢ်အပၢ်ဒ်လဲၣ်ႉ တချုး အပၢ် ဟးထီၣ်လၢ
ဟံၣ်န့ၣ်‚ မၤလိာ်တ့ၢ် အ၀ဲသ့ၣ်လၢ တဘၣ်ကွဲတံၤကွဲသကိး‚ အီၣ်သကိးအီသကိးတၢ်
ဒီးတံၤသကိးလၢ အတအိၣ်ဒီးသကဲာ်ပ၀းဂ့ၤ‚ ဒီးမၤသီၣ်
မၤသဲတၢ်တဖၣ်န့ၣ်ဘၣ်ႉ ဘၣ်ဆၣ်‚ တံၤသကိးနၢ်က့ၣ် တဖၣ်အံၤ ဟဲ‚ ဒီးအ၀ဲသ့ၣ်တူၢ်လိာ်၀ဲဒၣ်လီၤႉ အ၀ဲသ့ၣ် တဒိကနၣ် အပၢ်အတၢ်ဟ့ၣ်ပလီၢ်‚ ဒီးတူၢ်လိာ် တံၤသကိး
တဖၣ်အံၤလီၤႉ ဖဲအမိၢ်အပၢ် ဟဲက့ၤန့ၣ်‚ တၢ်ခဲလၢာ်
အိၣ်သဘံၣ်ဘုၣ်လၢ ဟံၣ်ပူၤလီၤႉ အ၀ဲသ့ၣ်တဖၣ်စ့ၢ်ကီး မူၤသံး‚ ဒီးဟးကနူၤကပၤ န့ၣ်လီၤႉ အ၀ဲသ့ၣ် အိၣ်ခူသူၣ်လၢ တၢ်ပျံၤတၢ်ဖုးအပူၤလီၤႉ
တၢ်အိၣ်အသးအံၤ ကမ့ၢ်ဒ် စီၤအၤဒၣ်ဒီးနီၢ်အံၣ်အု အတၢ်လဲၤခီဖျိအသိး လီၤႉ အ၀ဲသ့ၣ်တဒိကနၣ် ကစၢ်ယွၤအကလုၢ်‚ ဒီးဖဲအနၢ်ဟူ ကစၢ်ယွၤဟဲဘူးထီၣ်ဒီးအီၤ ဒီးကိးထီၣ်အီၤန့ၣ်‚ အ၀ဲသ့ၣ်အိၣ်ခူသူၣ်လၢ တၢ်ပျံၤတၢ်ဖုးအပူၤလီၤႉ…